Amerikako Estatu Batuetan hainbat agintari politikorekin bilduko da: kongresistekin, senatariekin, alkate eta gobernadoreekin, eragile ekonomikoekin, Estatu Batuetan ezarritako euskal enpresen ordezkariekin; Nazio Batuen Erakundearen nazioarteko eragile eta kideekin; eta Kolunbiako Unibertsitateko kideekin. Lehendakaria  Washington D.C.ko eta New Yorkeko euskal komunitatearekin ere bilduko da.

Hain zuzen, New York-eko euskal etxearen mendeurrena dela eta egingo diren ekitaldietara ere joango da, Estatu Batuetako euskal etxerik zaharrena da New York-ekoa, 1913an sortutakoa.

Lehendakariarekin batera Ekonomiaren Garapen eta Lehiakortasun Saileko ordezkaritza bat joango da, ordezkaritza horretako burua Arantza Tapia sailburua izango da.